New Year Resolution bawhzui leh in kuva nghei leh health check up

Ka new year resolution bawhzuiin kuhva nghei tur in ka in buatsaih a . Kan khua ah Dentist pakhat a rawn awm thar a , ka phur khawp mai a , nghei hma ti in ka han ei am te te a . A dawr turin ka va kal a , 'a dam tha lova Aizawl ah a in entir a, kar leh ah a lo haw ang 'an ti a  .Nghah nawm nan ka ei am leh ta  a, thla khat hnu pawh a rawn haw ta lo chu , kei lah ka lo in ei am ve tawh si a , pum lam a ling ta vat vat tan a. A rawn haw a , ha ti fai tur a a hma a ka han ang mu zuah mai chuh....... chhuti ni hi a ni vek mai. Kan Doctor-i chu a fel khawp a , darkar khat hnu ah chuan confi deuh in ka then ve thei ta . Ka ha hmai pakhat chu hnawh a ngai a tia  , ka la ti ta lo.

Health check up tur in remchang ka melh fan fan a , Guwahati ah kalna remchang a awm hlauh mai a . Guwahati Neurology Research Centre (GNRC) ah chuan health check up chu ka ti ta a .
Pakhatna ah Lipid profile an check a. Thisen an la a , thau chhia leh tha ka neih dan vel ni mai in ka hria.

Pahnihna ah Liver function test an ti leh a , thisen bawk an la.

Pathumna ah Ka lu a na zeuh zeuh bak nen , ka thluak ka CT scan tir ve bur mai.

Palina ah exer lak theih dawn leh dawn loh Treadmill test ka nei a . minute 45 treadmill ah min tlan tir a , ka tlan lai hian BP , heart rate etc an monitor reng a .

Pangana ah Echo hmang in ka lung an en a.

Parukna ah ECG an ti a .

Pasarihna ah India ram a chain diagnosis centre - Primalal diagnosis centre ah ho zet mai -pulmonary function test ka va ti leh a . Hetah hian thawk lak vak vak lai a lung awm dan an en ni ber in ka hria.

Ka kal chu Aizawl ah ultrasound a ka tih tir tawh a nih avangin test report nen Doctor ka hmu a .

Ka liver function test chu normal range ai in tlem a sang a , exer lak thut etc vel ah a awm ve thei an ti a  , doctor chuan a ngai pawimawh vak lova.

Lipid profile a sang deuh a damdawi lipitor thlathum ei min chawh a exer la rawh a ti a.

Badminton racket leh a behbawm Aizawl ah ka lei a , a dawr nghak tupa chuan min en deuh vung vung a ,'YY khan han in thuam ve thup mai la i huphurhawm ve hrim hrim mai ang' mi ti a .

Guwahati ah hian Karvy computershare services ah ka PAN Card ka KYC complaint tir nghal a .  

Ka New Year resolution bawhzuina

Ka new year resolution ah mutual fund ah invest ka tum thu ka rel ve si a . Tih puitlinloh chu ti in ka buaipui ta a.Misual ah ka zawng ru deuh ruk ruk a , online investment chungchang a Maawma comment ka hmu hlauh mai a , ka bye heart tlauh tlauh a. Ka han in tintuah a , PAN Card neih phawt a ngai ta. Aizawl a ka zin lai remchang a chuh in Pu.Thangluta of Bawngkawn , UTI Distributor (ni hmiang ka ti mai ) , NABARD bul a office nei chu ka va dawr a , over tak in PAN Card application form Incometaxindia.gov.in atanga ka download chu hmang in thehluh rawk ka tum a , an lo in hawng si lova, ka cham rei hman si lo, Kan Nu chu lo thehlut mai rawh ka tia.

Khua ka thlen in kan Nun " i form kha a hman theih lova , kan fill up tha a , i signature lah chu a har si a , kan zir ngial mai a rawn ti a "

A hnu kar hnih na ah Pan card chu a lo thleng a . Mutual fund online a leina tur ka zawng ta char char a , pathum - sbi mutual fund,reliance leh UTI ka hmu a . Ka lei ta dial a. Mail ah ka application fill up sa chu print out tur in pdf file min lo thawn a, ka print out a , ka pan card xerox copy (sbi ah chiah SBI Bank Manager attest tir ngai, a dang pahnih ah gazetted officer leh self attested chauh ngai) leh driving license attested copy ka thawn phei a.PIN ( thenkhat in IPIN an ti deuh kher, on line a hralh leh leina tur password , an website a hman tur ) dilna ka thawn tel bawk a.

Mail ah folio number min allot an rawn thawn tel bawk a , chu chu quote a ngai ve a, dil na ah hian.

Reliance hi ka application an hmu tlai a, min lo reject leh a , ka pawisa (net banking a ka va deposit) chu bank lam ah thawn let an lo tum a , ka hming bul ah T ka lo dah si a, reliance application form ka fill up lai in T ka dah si lova , min lo thawn thei lova,mahse 24 hours customer service an in tih hi tak tak a lo nia, zan dar 12 vel ah ka va phone in min lo chhang chat mai. A buaipui dan tur min hrilh a , folio erawh min lo allot laklawh a, ka lei leh a.

PAN Card hi 50000 chunglam invest dawn chuan KYC Compliant tih a ngai a , AMFI ho point of service ah Pan Card self attested xerox copy leh residence proof nen ka thawn leh a (kan la invest duh tak in tih thil thu ah)

Tichuan mutual fund ka invest chu ka zo thawkhat a , ka pawisa pundan hre tur in www.camsonline.com ah consolidated account statement online in ka dil thin a, mail min rawn thawn thin.

Mutual fund hi a him ber pawl a ngaih a ni a , chutah pawh chuan debt fund ho hi him ber a ngaih a ni.

Ka kaisang ve a

Mihring hun tawn zing ah chuan pianni, baptisma chan ni, virgin hloh lai, first kiss, matric pass lai, nupui/pasal neih lai, fa hmasa ber, fapa upa ber neih lai, etc te hi theihnghilh har tak an ni awm e.

Ka sorkar hna thawh na ah chuan t an chuan hna hmuh ni , office kai hmasat ber ni leh kaisan hi a hlimawm ber rih phawt chu a nia........ kaisan phei chu a khat tawk ah kan tawng kan tawng tur ah beisei ila a tha ang e.

Sorkar hna ka luh dawn in interview tur a ka kal chu ka lehkhabu ken ka theihnghilh leh khut a...tlai a a lam tur a ka han kal chu result an lo tar chhuak reng hi a lo ni a. Bang a result in tar chu tuman a chhuak tih an hrelo a ni chek ang chu.... ngam leh ngam lovin keimah te lawng lawng in en a ngai a.....kha lai kha chu huphurh leh chakna in bei vel kha ka ngaihtuah let apiang hian ka la hah.

Kan kaisang ve ta hian ngaihtuahna a ti thui ve hle mai.........

Room chhung a tuihawk kan zuan kahlen zauh zauh thin te........
ka thianpa room nen a kan partition wall silpouline chhana kan in be zuah zuah thin te........
Audit a vawikhatna atan kan face a ....kei ai a nervous ngah thianpa ka chhar te...

Kaisan hi ka phu nge phu lo tih hi midang dang in ngaihtuah se chu an ngaihdan a dang hlawm viau thei a ........mahse ka rilru ah PHU hi ka in ti ve reng reng . A chhan chu ka phaktawk in ka thawk hah veng veng em mai.

Blog directory ah ka awm ta bawk a.....

Ka Misual lohna a lo rei ta viau a ,nimin chu rei tak nghah hnuin blog directory ah ka lo chuang ve vang tawh tih ka hre chauh mai a.Blog update ve tan pawh tum ila a tha ang. A khuh hawn na ang reng in thu dangdai deuh han tar lang ila.

Lairam Isua Krista Baptist Kohhran Assembly vawi 11 na a thurel ah chuan........

'Puitling Sunday sikul exam hi entawn chunga exam a nih thin avangin puitling sunday sikul exam tihtawp a ni' tih a ni mauh mai.

He thu hi ka hriat hian University a open book exam kan neih ve thin te kha ka hrechhuak a...... a har em em thin leh nghal a. Kan lehkhabu ken luh a tam poh leh hun kan heh mai mai kha a ni mai a.

He tia kohhranin dangdai taka ro an rel hi nuihzatthlak viau mahse 'entawn' hi kristian te tan chuan a mawi love an tihna statement chiang tak a ni in a lang a , naupangte hnenah zirtirna tha tak a pek ngei a rinawm.